K O  W I K I T O R I A, to Kuini o Ingarani, i tana
mahara atawai ki nga Rangatira me nga Hapu o Nu-Tirani, i tana 
hiahia hoki kia tohungia ki a ratou o ratou rangatiratanga, me to 
ratou wenua, a kia mau tonu hoki te Rongo ki a ratou me te ata 
noho hoki, kua wakaaro ia he mea tika kia tukua mai tetahi Ranga-
tira hei kai wakarite ki nga Tangata Maori o Nu-Tirani. Kia wa-
kaaetia a nga Rangatira Maori to Kawanatanga o te Kuini, ki nga wahi 
katoa o to wenua nei, me nga motu. Na to mea hoki he tokomaha 
ke nga tangata o tona iwi kua noho ki tenei wenua, a e haere mai nei.
              Na, ko te Kuini a hiahia ana kia wakaritea to Kawanatanga, 
kia kaua ai nga kino e puta mai ki te Tangata Maori ki to Pakeha 
e noho ture kore ana.
              Na, kua pai to Kuini kia tukua ahau, a WIREMU  HOPIHONA, 
he Kapitana i te Roiara Nawi, hei Kawana mo nga wahi katoa o 
Nu-Tirani, e tukua aianei a mua atu ki te Kuini ; e mea atu ana ia 
ki nga Rangatira o te Wakaminenga o nga Hapu o Nu-Tirani, me 
era Rangatira atu, enei Ture ka korerotia nei :--

    Ko te Tuatahi,
             Ko nga Rangatira o to Wakaininenga, me nga Rangatira katoa hoki, kihai i uru 
ki taua Wakaminenga, ka tuku rawa atu ki te Kuini o Ingarani ake tonu atu te Kawana-
tanga katoa o o ratou wenua.
     Ko te Tuarua,
             Ko te Kuini o Ingarani ka wakarite ka wakaae ki nga Rangatira, ki nga Hapu, 
ki nga Tangata katoa o Nu-Tirani, te tino Rangatiratanga o o ratou wenua, o ratou kainga, 
me o ratou taonga katoa. Otiia ko nga Rangatira o te Wakaminenga, me nga Rangatira 
katoa atu, ka tuku ki te Kuini te hokonga o era wahi wenua e pai ai te tangata nona te 
wenua, ki te ritenga o te utu e wakaritea ai e ratou ko te kai hoko e meatia nei e te Kuini 
hei kai hoko mona.
      Ko te Tuatoru.,
             Hei wakaritenga mai hoki tenei mo te wakaaetanga ki te Kawanatanga o te Kuini. 
Ka tiakina e te Kuini o Ingarani nga Tangata Maori katoa o Nu-Tirani. Ka tukua ki a 
ratou nga tikanga katoa rite tahi ki ana mea ki nga tangata o Ingarani.

(SIGNED)
WILLIAM HOBSON, Consul & Lieutenant-Governor.

          Na, ko matou, ko nga Rangatira o te Wakaminenga o nga Hapu o Nu-Timni, ka 
huihui nei ki Waitangi. Ko matou hoki ko nga Rangatira o Nu-Tirani, ka-kite nei i te 
ritenga o enei kupu, ka tangohia, ka wakaaetia katoatia e matou. Koia ka tohungia ai o 
matou ingoa o matou tohu.

             Ka meatia tenei ki Waitangi, i te ono o nga ra o Pepuere, i te Tau kotahi mano, 
ewaru rau, ewa tekau o to tatou Ariki.

This is a copy of one of several treaty copies held by the New Zealand National Archives in Auckland Public Library